โอน้อ เจ้าผู้พ้วดอกอ้ม ผมพี่ดำนิน เฮียมเอย
ผมดำงามพอดูช่างตื่มสีแดงเข้ม
ดำแดงคนเขาเอี้นสองสีแตกต่าง
สังมาอยู่ฮ่วมเค้าเกสาเจ้าผู้เดียว
น้องบ่ออยากเว้าเลี้ยวเว้าล่ายความจริง
มีบ่อนอีงจริงมาจา ว่ากันตามเรื่อง
ย่อนมันเคืองคาข้อง หม้องใจน้องอุ่น
ความคิดเป็นว่าวุ้น นำอ้ายบ่าวพี่ชาย
น้องนี้หมายอยู่ซ้อนเฮียงฮ่วมชายเดียว อ้ายเอย
คนอื่นนางบ่อเหลียวม่ายตานางซ้ำ
กรรมหยังนางบ่อฮู้ มาเห็นชายจริงหวังฮ่วม
หวังอยากมาฮ่วมซ้อน นำอ้ายแต่ผู้เดียว
แต่ว่าอ้ายพัดเบี้ยว แปล เปรียนสัญญา
ว่าสิแปลงผมยอย ย่อนลงทางหน้า
ชายสิเอามันถี้ม ให้เป็นสีดำธรรมชาติ
บาดมาเห็นเทื่อนี้ หูอ้ายพัดบ๋องกลาง
หูเป็นยอยเพราะใส่ต้างใจพี่ต่างคราวหลัง
สังบ่อเป็นครืเฮาจา ว่ากันคราวนั้น
ความฝันเป็นลมแล้ง นอนสะแคงไห้จ่ม
อกระทมแทบม้าง หัวใจอ้ายช่างเปรี่ยนแปรง
แยงหมู่ดาวอยู่ฟากฟ้า ตานางส่องละเมีหา
ครืสิเห็นชายมาก่าวจา ดอมน้อง
ผมผ่องหูของอ้าย ชายก็แปรงแปลเปี่ยน
เป็นบทเฮียนแก่อ้าย ชายฮู้เมื่อคีง
หากบ่อจริงดั่งเว้า เมือตื่นจากความฝัน
อกกะสันชวงระทมผู้ขื่นขมคืรน้อง
ลมตีตองใบกร้วยปลายชานพัดวีว่ำ
อกระกรรมนั่งไห้ สัญญาฮ้างถูกลืม
มื้อใดฟ้ามืดครื้ม ฮ้องหื่มโหยหวน
ปั่นปวนในอุลานาง ฮักบ่อจางแต่มายม้าง
ทางฮักเฮาเวเวี้ง เพราะชายเวีงเวห่าง
สัญญาจริงถูกม้าง ให้เฮาฮ้างห่างกัน
ความฝันสิอยู่ซ้อน นอนเสื่อเฮียงหมอน
ครืนกเขาลาครบ่อนเดีมบ่อคืนโค้ง
เหมือนดั่งหงลาน้ำ บ่อคืนมาวังเก่า
กอดเข่าได้แต่ไห้ ใจสะอื้นอ่าวหลัง
ความหวังมาขาดสิ้น เมื่อพี่ห่างลาไกล
ใจนางม้วหมองทุข์ อั่งทวงเทกั้น
จิดกระสันฮักมาม้าง ฮักอำพางหลวงหลอก
บอกว่าฮักเท่าฟ้า ให้นางบ้าป่วงบ่อเช่า แท้น้อ